اذا عندك مشكلة في ضعف الانترنت بعد رجوع شبكة سوداني حاول اعمل التالي وإن شاء الله تظبط :
اولا حاجة خليك عارف انو التحميل على الشبكة الايام كبير شديد عشان كدا ضعيفة .. بس مرات المشكلة بتكون في الضبط بتاع تلفونك
1️⃣ افتح الاعدادات “Settings” أو الضبط وادخل على👈 الاتصالات ✔️
2️⃣ اضغط على خيار شبكات الهاتف “Mobile network ” ثم اضغط 👈 أسماء نقاط الوصول ” Access name point” ✔️
3️⃣ادخل على خيار Access name point وامسح 👈جميع نقاط الوصول الموجودة عندك ✔️
4️⃣ أعمل اضافة “Add”👈 نقطة وصول جديدة ✔️
5️⃣ حتظهر معاك خانات حتعبيها
– الخانة الأولى حتلقى مكتوب عليها الاسم “Name” أكتب فيها 👈 اسم الشركة المزودة للخدمة بالانجليزي :
( Sudani )
اذا رجعت الشبكات التانية إن شاء الله حتغير الاسم بس الى Zain او MTN
– الخانة الثانية اللي هي ال “APN”
أكتب عليها كلمة 👈” internet” ✔️
وأعمل حفظ ..
وبس كدا تكون ظبطتا الشبكة محلية وحتظبط معاك أغلب مشاكل الشبكة إن شاء الله
( الكلام دا بالنسبة للناس المتأكدة انها منشطة انترنت والمنطقة بتاعتهم اتوفرت فيها شبكة سوداني انترنت للخطوط او الشرائح العادية )
🔴 تنبيه : اذا المنطقة بتاعتك فيها شبكة وانت الوحيد العندك مشكلة ضعف اتصال بالانترنت
حاول اعمل اعمل تغيير لشبكة الانترنت من 4G الى 3G
اما اذا داير تختبر قوة الاشارة عندك في التلفون ادخل على الاعدادات ⬅️ حول الهاتف ⬅️ معلومات الحالة ⬅️ ومن ثم حالة شريحة الاتصال حتلقى ، هنا حتلقى خانة مكتوب عليها قوة الاشارة او Signal Strenght حتكون ظاهرة فيها قوة الاشارة بالرمز dbm , asu
ومن الارقام القدامك حتعرف منطقتك فيها شبكة قوية ولا ضعيفة ( كل ما قل الرقم امام ال dbm معناها الاشارة قوية والعكس صحيح )
